Fréttir

26.11.07, 15:36

Opið hús hjá Heimilis-iðnaðarfélaginu Nethyl 2 E.
Sunnudaginn 2. Desember frá kl.14 - 18.

Jólamarkaður félagsmanna.
Eins og undanfarin ár fer ég suður yfir heiðar og tek þátt í árlegum jólamarkaði Heimilisiðnaðar-félagsins. Ég verð með ofna dúka og þjóðlega jólasveina. Nokkrir jólakéttir koma með.

Sjá nánar á heimilisidnadur.is

Hér eru myndir

23.09.07, 08:41

Af honum kemur fallegur grænn litur. Nú horfir maður á hann og sér fallega grænt ullarband en ekki lélega kartöfluuppskeru. Í sumar fékk ég eins mikin arfa og ég vildi hjá þeim góðu hjónum Sigurði og Sigríði á Núpum í Aðaldal. Arfinn vex þar eins og annarstaðar þar sem hann á ekki að vera.Hann var þveginn og soðinn áður enn bandið fór í pottinn. Til að fá blágrænan(gammelgrænan) lit notaði ég Járnupplausn síðustu 5 mín af suðutímanum.

Skoða myndir af haugarfa verkefninu

23.09.07, 08:19

Efnið í töskunni er jurtalitað ullarband og laxaroð. Vefnaðurinn einskeft, íslenskt glit og rósaband. Hún passar undir A4 möppu og ég setti góða vasa inn í hana. Passar vel undir kvenfélagsgögnin á kaffihúsafundi og margt fleira.

04.03.07, 11:48

1. Febrúar gekk ég til liðs við Handverkshópinn sem rekur Gallerí Grúsku á Akureyri. Það er opið hjá okkur alla virka daga frá kl. 13.00 -18.00.

Nú hef ég notað eingirni frá Álafoss í uppistöðu og þæft í þvottavélinni dúkana á eftir. Ekki eru allir litir sem þola þessa meðferð og er búið að gera margar prufur. Kemur skemmtileg áferð án þess að þæfast þétt. Nú er bara að koma í Galleríið og skoða. Ég er þar á mánudögum.
Fljótlega koma nýjar vörur á vefinn.

Gallerí Grúska
Heimilisfang: Strandgötu 19
Sími: 461-1823
Heimasíða: www.gallerygruska.homestead.com

23.11.06, 13:38

Í Jólasveinabrekku

Opið hús-jólamarkaður-laugardaginn 2. desember.

Ég verð á Laufásvegi 2 laugardaginn 2. des. Þá er opið hús frá kl. 13.00-17.00 hjá Heimilisiðnaðarfélaginu og jólamarkaður. Handunnar vörur til sölu og námskeið Heimilisiðnaðarskólans kynnt.Kaffiveitingar, kakó og kleinur. Þetta verður í þriðja sinn sem ég skelli mér suður og tek þátt í opnum degi á aðventunni. Fróðlegt fyrir gesti og gangandi að koma og skoða hjá okkur, versla jólagjafir og fá sér heitt kakó.

Við Kristín litla skruppum upp í "Jólasveinabrekku" hér rétt hjá húsinu mínu.Þar tíndum við köngla sem eru nú í þurkun heima hjá henni í eldhúsglugganum. Við ætlum að gera jólasveina úr þeim. Það hefur snjóað nokkuð og þurfti amma að troða slóð svo sú stutta sæti ekki föst.Ég mæli með snjótroðurum.